Ministri në detyrë i Punëve të Brendshme, Xhelal Sveçla ka përgëzuar Inspektoratin Policor të Kosovës për aksionin e djeshëm ku u arrestuan katër qytetarë, ndër ta edhe një zyrtar i lartë i Policisë së Kosovës.

Me anë të një postimi në Facebook, Sveçla shpreh insistimin e tij në veprime të IPK-së që radhët e policisë të pastrohen nga elementë të tillë që njollosin emrin e institucionit më kredibil dhe me besueshmërinë më të madhe në vend.

“Krimi nuk ka vend në shoqërinë tonë, e posaçërisht nuk ka vend për kriminelë në radhët e Policisë. Mbështes dhe njëkohësisht insistoj në veprime edhe më të vendosura të Inspektoratit, që radhët e Policisë të pastrohen nga elementë të tillë që njollosin emrin e institucionit më kredibil dhe me besueshmërinë më të madhe në vend.”, ka shkruar Sveçla.

“Policia e Kosovës duhet te jetë adresë e luftimit të krimit dhe asnjëherë dhe ne asnjë rrethanë çerdhe banimi e mburojë e veprimtarive kriminale.”, shtoi mes të tjerash ai./Arbresh.info/

LEXO EDHE:

Raportohet se i arrestuari nga aksioni në Prizren është ish-drejtori rajonal i policisë në Prizren, Nexhmi Krasniqi

IPK dhe Prokuroria me aksion në Prizren/ Arrestohen katër persona, mes tyre një kolonel policor